مطلوب حبيب محمد ابراهيم أدب عربي•خواطر و مقالات الهدية•اوديف•سبع سنبلات•اطمني•و اتقابلنا•عكس سير•لما كنا ...•زى الافلام•الحزن البعيد الهادي•فلوماستر أبيض

فى ٢٠١٢ .. كنت راجع مع واحد صاحبى متأخر و بنركب من رمسيس .. لقيت راجل حوالى حاجه و اربعين سنه بيعيط فى جنب .. قربنا منه و اول ما شافنا مسح دموعه و اتلهوج شويه وحس بالإحراج فحاولنا نفهم منه و ندردش معاه حكالنا حدوته طويله ملخصها انه ساب دراسته عشان مدرس ضربه و سببله عاهه فى ايده فإتعقد و هرب من البيت وقعد يقولنا لازم نسمع كلام اهلنا فى كل حاجه بمنتهى الإلحاح .. و عنيه رغرغت تانى فإتهز و سابنا و مشى فى بداية ٢٠١٤ .. كنت راجع من القاهره و مكانش معايا عربيه و مكانش فيه مواصلات فى رمسيس لدرجة انى قعدت على الارض من التعب .. لقيت نفس الراجل معدى و بيشحت .. فقولتله ازيك ..قالى انت عارفنى ؟ .. قولتله ايوه انا .. فقاطعنى وقال مادام عارفنى مش عايز منك حاجه فى البدايه افتكرت انه خايف اقول انه بيشحت لقيته بيقول هيجى عليك وقت يابنى تتمنى حد يقولك ازيك وقتها حسيت انى لواحدى فعلا ومليش حد رغم ان وقتها كان فلوماستر ابيض نزل و مكسر الدنيا .. فى نهاية ٢٠١٥ .. مرات خالى توفت .. و خالى دخل ف ازمه نفسيه انتهت بجلطه و قتها طلب مننا نكون حواليه و جمعنا كلنا ف بيت كبير عنده .. كل واحد بعياله و التزماته ساب اللى وراه و اللىقد امهوراح عشان يكون و نس لراجل كل همه فى الحياه انه يلاقى حد حواليه لقيت نفسى لما رجعت شغال على الكتاب .. و جوايا كلام كتير محتاج اقوله .. ملخصه اننا محتاجين نتحب .. محتاجين حبيب .. سواء صاحب او اخ او حتى قريب من بعيد او حتى حد متعرفوشخالص..حد يسندك و يكون و نسك فى رحلة الحياه الطويله