اخر لحظات العمر عمر عاشور ميزان مقلوب•انفينيتى

أصعب لحظات بنعيشها هي اللي بنكون عاجزين عن إننا نفرح أو نساعد قلب بنحبه بجد في رواية أخر لحظات العمر لما فريدة عرفت إن فرح صاحبتها عندها سرطان حاد في الدم ؛ كانت فرح (المريضة) خدت قرار تخفف حدة الخبر علي كل اللي حواليها و تحسسهم ببساطة الموضوع مع انه مكانش بسيط ابدا و كانت متدمرة من جواها لكنها قالت لفريدة :-عارفة إيه اللى يخوف بجد ؟ ... مش الموت أبداً .. الحياة بتخوف أكتر منه بكتير .. إحنا فى طريقنا بين الحياة و الموت بنموت ألف مرة .. بنموت لما ننتظر حاجة عارفين إنها مش جاية .. بنموت لما نتعلق باللى مش من نصيبنا .. بنموت لما نحس بالعجز فى لحظة نفسنا نسعد اللى بنحبهم و مش قادرين ..*كلام فرح هو الواقع اللي كلنا بنعيشه .. هو الواقع لأسوء شعور ممكن نمر بيه و هو شعورنا بالعجز